الأحد، 27 يونيو 2010

كان يوم مَطَر ..البغبغان جُوَّا القَفَص طَلَّع لِسانُه لعصفورين فوق الشجر ..خَلِّيكو سايقين العناد ..العِشّ قاد ..وخسِرتُو ويَّاه الولاد .. لَـمَّا انفَجَر ..هو انتو حِمْل السِيل ؟؟ ولا حِمْل المطر ؟؟كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟..ردُّوا علِيه العصفورين : لَوْ عَ الوِلاَد .. البَطْن ولاَّدة ..والعِشّ مَهْمَا يقِيد ..صخر الجبل عَنَاقِيد ..نِفْرِشْهَا سِجَّادة .. وانتَ اللي فرحان بالقَفَـص ..أصْلَـك ( قَفَص ) !!..كَتَمُوا الهوا جُوَّاك و نَسُّوك ان ما بين الحياة والموت .. نَفَس ....,,والله القصيدة دى للشاعر هشام الجخ وعجبتنى يارب تعجبكو

هناك 9 تعليقات:

فراشة يقول...

حمدالله على السلامه يا محمد

هى فعلا تحفه جدا جدا جدا
حلوة قوى يا محمد ومعانيها بليغه اوى واعتقد ان كل واحد حيلاقى نفسه فيها سواء العصافير او البغبغان
كل واحد حسب حياته
قد ايه تحفه بجد

تحياتى ليك ونورت من جديد

حياه بلا عنوان يقول...

طبعا حمدالله على السلامه
الكلمات جميله قوى طبعا احنا متعودين منك على الكلام الجميل ده بس كلنا ممكن نكون جواها وبنحاول نعشها زى الطائر الحر لكن ده طير يمكن يكون مجرد اجنحه تحرك هذه الطيور لكن لو بشر وبيتكلم كان اكيد قال الاكتر من كده بس للاسف
ياريت الغياب مش يطول تانى
تحياتى

الحــ ــزين يقول...

فراشة
انتى اللى حمدلله على سلمتك

ومتشكر ليكى جدا

طول عمرك خيرك عليا

وكمان احساسك بان الناس حلوة


بس برده انتى فوق كل الناس

دومتى بخير

الحــ ــزين يقول...

حياه بلا عنوان
الله يسلمك

ومتشكر جدا جدا

وبعدين هو انا اجى ايه فى إختياراتى جانب معليكى

انتى الكل فى الكل

ومتشكر بجد

دومتى بخير

اقصوصه يقول...

رمضان كريم :)

فشكووول يقول...

والله القصيده حلوه .. وهشام الجخ بيحط ايده على الجرح
بس ما بين البغبغان والعصافير يا قلبى لا تحزن
البغبغان بتاع كلام .. والعصافير طول عمرها مقصوصة الجناح .. وكل ما تقول حيطلع لى جناح تلاقى جناحها مقصوص .. يا ترى حيطلع لها جناح امتى .. متهيأ لى يوم القيامه
تحياتى

مهرة سالم يقول...

السلام عليكم..
بالفعل جميله هذه الأبيات
شكرا لمشاركتنا إياها

gogo!sf يقول...

حلوة اوى وبجد عجبتنى جدا جدا

بس هو اسمه بغبغان يعنى رغاى وبتاع كلام

بس سيبك انت جميله جدا
تسلم يا مان

gogo!sf يقول...

حلوة اوى وبجد عجبتنى جدا جدا

بس هو اسمه بغبغان يعنى رغاى وبتاع كلام

بس سيبك انت جميله جدا
تسلم يا مان

قلبى يتمزق


hi5