الأحد، 14 مارس 2010

من ورا ء ظهرى

والله كل حرف هاقوله ليكو انهاردة فعلا دى حقيقة لانها قصة واقعية
بس فوق ما اى حد منكو يتخيل
بس هيا دى الحكاية وهيا دى الظروف والله أعلم
بس القصة دى مش تخصنى ..بس لحد انا أعرفه ..بس حقيقة الشخصيتين هاقولهم فى الاخر
بسم الله..
كان ياما كان واحد إسمه حــزيـن بضم الحاء ووحدة إسمها رحيـــــــل وكأنهم صحيو لقيو نفسيهم توأم أو مع بعض ليل ونهار
حتى فى وقت النوم
لعب كانو مع بعض ..حتى فى أيام الدراسة كانو بيمشو مع بعض
حتى فى وقت الدروس بيخرجو مع بعض
ولو جه وقت النوم كانو بينامو مع بعض..وفى حضن بعض
وكبرووووووووووووووووووووووووووووووووووو.!!!!
برده بيلعبو مع بعض !وبيحبو بعض.!!وبيرقصو مع بعض.!!ومش بيعرفو يتنفسو من غير ما يكملو بعض
كل أمل فى الدنيا ليهم انهم يعيشو ديما مع بعض..ودا أكبر طموح
وجه اليوم اللى المفروض يتفرقو
وهو .!.!.خطوبة رحيل .!والفرح بعدها باأسبوعين
وكانت كل الابواب اتقفلت فى وش حزين ومبقاش قادر يعيش لدرجة ان هو اتعرض لكام حالت انتحار وكانو ديما بيلحقوه قبل ما يموت
بس مفيش حد عارف حقيقة مشاعرة ولا أحاسيسه
ولا حتى هوا.....!!!!!!!!
وعاش حياته كلها بؤس وعناء وكأنها جهنم ..بمعنى أصح مفيش يوم بيعدى غير لما بيكون مخدتو شهدت على دموع عنية سعات وسعات
ومبقاش يشوف رحيل غير فى بعض المناسبات ..وكمان بيكره جوزها جدا جدا جدا ...مفيش وسف يوصف الكره دا
الى الان
رحيل عندها ثلاثة أولاد والى الان وهو أعزب ولم يقدر على اى ارتباط..ولم يقدر سوى على الحب من خلف ظهره!!!!!!!!!!!!!
صعبة اوى العيشة دى !!!انا شخصيا دموعى نزلت حالا
مش هاقدر ادخل اكتر من كدا داخل الموضوع او فى تفصيل الموضوع
بس هاسيب ليكو انتو التعليق...بس بعد ما أقول ليكو حقيقة الشخصيتين الى من وجهة نظرى مشفتش كدا ولا هاشوف كدا حتى فى الاحلام
ومينفعش انهم يكونو لبعض ابدا
رحيـــــــــــــــــــــــل كانت خالت حــزين يعنى أخت أمه
للأسف ودى الحقيقة
طبعا نو كومنت
انا بقى معنديش تعليق .!.!.!.!بس والله العظيم وبجد وحقيقة دى قصة حقيقية
وأعرفهم شخصيا

هناك 30 تعليقًا:

مرايتى يقول...

بس غلطان إنه يتعلق التعلق الكبير ده وخصوصا بعد ما كبر وفهم لانه نوع من الحب المفروض ماياخدش اتجاه تانيه

فراشة يقول...

خضتنى يا حزين
انا بقى مصدقاك جدا فى الحكايه لأنى كنت كده وانا صغيرة يعنى مع اختلاف بسيط كنت متعلقة بخالتى جدا لدرجة تفوق الوصف ولما اتخطبت كنت بكره خطيبها جدا لدرجة انى لما كنت اروح افتح الباب والاقيه كنت بقفل الباب فى وشه وافضل اعيط ومحدش عارف انا بعيط ليه وبعدين لما يضرب الجرس تانى يفتحوا ويكتشفوا اللى عملته وايه سبب بكائى

لكن طبعا مع الايام الموضوع اختلف
وهو ده اللى المفروض حزين يعمله
ينظر للموضوع من زاوية تانيه وهو ان مادام خالته سعيدة يبقى زوجها انسان كويس يستحق انه يحبه ويقدره مش يكرهه

موضوعك جذاب جدا ومشوق قوى وبجد اتخضيت فى الاخر

تحياتى للحصان الرقيق

الحــ ــزين يقول...

مرايتى

ازيك انتى فين

دا احنا بلديات مش تسألى انا فين مش يمكن اموت


بالنسبة للموضوع انا مش عارف أقول عليه ايه لانه هو الوحيد اللى حاسس

كان يقدر ياتجه اتجاه تانى او لا

نورتينى بجد

الحــ ــزين يقول...

فراشة

منورانى بجد يافراشة بجد والله

انا مش عارف هو بيبص ازاى للموضوع

عارفة لما حكالى القصة دى

انا قلت انو معاق زهنيا اه والله

لان انا فعلا عمرى ما شفت كدا

بس صدقينى هو فعلا معزور

يلا ربنا يارب ينولو حد يستحق قلبه دا


وسلمتك من الخضة يافراشة

انتى بس اللى انسانة حساسة وقلبك طيب


متشكر لزوقك

دومتى بكل خير

حياه بلا عنوان يقول...

السلام عليكم ورحمه الله وبركاته
عارف يمكن الموضوع موجود فى الحياه دولوقتى الانسان بيعيش ويتاقلم مع ناس يحبهم ويتعلق بيهم جدا جدا بس للاسف مش بيفكر هو اتعلق ليه وازاى وامته ومش بنفكر حتى هينفع ولا لاء دى المشكله هنا اننا نتعلق ونحب ومنعرفش الحب ده هل حب اخوى ولا حب صداقه ولاايه وطبعا الواحد مش بيفكر انه غلط تعرف سعات الاحد بيحب قوى بس مابيكونش عارف ده مين ولا تقرب ليه ايه لانه شايف فيها كل حاجه كويسه وبيكون حاسس بيها
بس هو بالنسبه ليه يكون حبها لدرجه جمده قوى فتخيل فى حاجات تانيه غير انها تكون خالته بس علشان كده هو مش عارف يتأقلم على اللى حصل دلوقتى بس ده الطبيعى ودى بقت الحياه بتاخد مننا كتير ويمكن نكون احنا اللى بنضيع من ادنا حاجات كتير فالموضوع بالنسبه ليه انتها خلاص ميفكرش فيه تانى لان خلاص معتش ينفع يفكر فيه ابدا بس فى الحياه دلوقتى لازم يفكر كويس الانسانه دى هتنفعنى ولا لا وانه مش يتعلق بحد بسرعه جدا ياخد وقته ويفكر كويس جدا
معلش انا طولت فى التعليق لانه شدينى جدا الموضوع ده
تحياتى ليك

miroooo يقول...

بجد اللى يعيش ياما يشوف ويسمع كمان بس ممكن يكون متعلق بيها اوى لدرجه انه بيكره جوزها لكن انه مش يرتبط لحد دلوقتى ده ليه بقى؟ حاجه غريبه بجد انا مش لاقيه حاجه اقولها غير ان ربنا يهديه للطريق الصحيح وان شاء الله الموضوع هيختلف معاه بعد كده ويحب ويتجوز زيها تصدق الموضوع يخض اوى انا اتخضيت بجد حتى مش عارفه اتكلم واكيد باين
بس بوست مختلف جداا اوعدك افكر فى الموضوع ده كويس يمكن اعرف اعقله شويه
دمت بكل الخير

Prince-Palestine يقول...

سلام عليكم

قصة مأثرة وموجود منها كتير لكن اقول قل لن يصيبنا الا ما كتب الله لنا

الحب حلو وجميل بس القدر اجمل


الله يسعد اوقاتك

اسمحلي احييك على مدونتك الراقية وبتمنى التواصل الدائم

دمت بحب

خواطر شابة يقول...

تعلقه بخالته لايمكن ان نقول انه الحب بالمعنى المتعارف عليه لانه المفروض انه منذ الصغر كان يعرف رابطة القرابة ويعرف رأي الدين ويعرف حرمانية الامر وهذا الشعور عادي ويعيشه كثير من الناس اعرف صديقة ارتباطها بخالتها جعلها تعيش بالمهدئات وقت زواجها لكن مع المدة تقبلت الامر واعتادته وهذا هو الطبيعي

لــــ زهــــــراء ــــولا يقول...

ربنا يعزك القصة مؤثرة وحزينة خاااااالص

زهور الامل يقول...

ساعات فعلا الواقع بيكون فيه قصص اغرب واعجب من الخيال
وممكن تلاقي اخ واخت مرتبطين جدا ببعض
او خالة وابن اختها والعكس صحيح

تحياتي

زهرة(جنى)الاسلام يقول...

السلام عليكم
ندعوكم للدخول الى شات مونتى يوم21/3/2010
تمام الساعة العاشرة مساءا
من اجل نصرة المسجد الاقصى

الحــ ــزين يقول...

حياه بلا عنوان
والله العظيم منورانى وفرحان دا بزيارت


وكمان اسف لانى مقصر معاكى



دومتى بل خير

الحــ ــزين يقول...

miroooo

ازيييييييييييييييييييييييييييييييييييييييييك ياميرو

منورانى والله يارب تونى بخير يارب


واسف انى مقصر معاى

وفران دا بالزيارة اللوة دى

دومتى بل خير

الحــ ــزين يقول...

Prince-Palestine

متشر جدا لزيارت

ولزوق

وايد هايدوم التواصل ان شاء الله

ومتشكر جدا

دومت بكل خير

الحــ ــزين يقول...

خواطر شابة

طبعا بس هو كمان كان صغير جدا


يلا قدر الله وما شاء فعل

ومقدرش أقول غير كدا

ولا انتى ايه رأيك

دومتى بكل خير

الحــ ــزين يقول...

لولا وزهراء

متشكر جدا ليكى

دومتى بكل خير

الحــ ــزين يقول...

زهور الامل


ههههههههههههههههههههههههههههههههههههه



بتعرفى تهربى من الموضوع حلو اوى

مش مهم


يارب تكونى بخير

دومتى بكل خير

الحــ ــزين يقول...

زهرة(جنى)الاسلام

متشكر جدا للزيارة

دومتى بكل الخير

زهور الامل يقول...

اه لو عرفت اللي بيا تبكي معايا عليا

sweet angel يقول...

الغلط مش علشان هو ساب نفسه يتعلق بيها
الغلط ع الي سمحلهم من الأول انهم يتعلقو ببعض كده
وطالما هي خالته
من الأول كان أكيد انها مش ليه

miroooo يقول...

انا عايزة اعرف انت بتغي كل ده ليه؟ كل ده علشان انا طيبه وساكتالك شكلك عايز تشوف الوش التانى ههههههههههه
اتمنى اشوف بوست جديد قريب
دمت بكل الخير

سندريلا يقول...

السلام عليكم/
-------------
بجد موضوع مؤثر جدا بس هو حبه لخالته او غيرها دى بجد ناااااااااااااااادر جدا لان مبقاش فى حب كده والحب اللى هو بداء بيه حب تعلق وابتدى ينمى مع الوقت لحد ما وصل لكده وبجد ربنا معاه ويحاول يفوق من اللى هو فيه هو يقرب من ربنا وهو قادر على كل شيىءونعمه بالله

تحياتى لك/سندريلا

miroooo يقول...

انا قلقانه عليك جدا يا محمد
ياريت تطمنى عليك
اتمنى تكون بخير
مستنياك تطمنى عليك ارجوك

حياه بلا عنوان يقول...

السلام عليكم
انت فين من زمان بقالك فتره كبيره مش نزلت موضوع جدا يارب يكون خير ابقا طمنا عليك وان شاء الله يكون خير يارب

زهور الامل يقول...

انت فين يا محمد
وايه الغيبة الطويلة دي

ياريت تطمنا عليك

يارب تكون بخير

تحياتي

الطائر الجريح يقول...

جمييييييييييل تسلمي

Dr. Mohammed Ali يقول...

اكثر من رااااااااائع..
تقبل مروري وتحياتي.

Unknown يقول...



thx

شركه تنظيف

Unknown يقول...


thx

كشف تسربات المياة
غسيل خزانات
شركة نظافة عامة

Unknown يقول...



thx

كشف تسربات المياة
غسيل خزانات
شركة نظافة عامة

قلبى يتمزق


hi5